வாழ்க்கை எனும் நீரோட்டத்திற்கு பல்வேறு நிலைகள் உள்ளன-ஒவ்வொன்றிலும், சத்யம், தர்மம் மற்றும் பணிவு என்ற நற்பண்புகளை வளர்த்துக் கொள்ளாமல், நீங்கள் அஹங்காரம்,அசூயை( பொறாமை) மற்றும் அஸத்யம் என்ற தீய குணங்களுக்குப் பலியாகி விடுகிறீர்கள். உங்களது குழந்தைப் பருவத்தில், நீங்கள், உலகியலான மற்றும் புனிதமான ( ப்ரேயோ மற்றும் ஸ்ரேயா மார்க்கங்கள்) பாதைகளுக்கான வித்தியாசத்தை உணராது, அப்பாவித் தனமான வாழ்க்கையை நடத்துகிறீர்கள்.ஆனால், வயசு ஆக ஆக, புனிதமான பாதையை விடுத்து, நீங்கள் உலகியலான பாதையிலேயே செல்லுகிறீர்கள். ஆசைகள் எனும் ஆற்றில் குதித்து,மாயை எனும் அலைகளால் பந்தாடப்பட்டு, ஸம்ஸார ஸாகரத்தில் மூழ்கி,அஸாந்தி மற்றும் கலவரத்தால் அமிழ்த்தப் பட்டு, நீங்கள் அதிருப்தி என்ற திமிங்கிலத்தால் விழுங்கப் படுகிறீர்கள். இப்படிப் பட்ட உலகியலான மனித வாழ்க்கையை இறைவனை நோக்கித் திருப்ப, ஸத்யத்துடன் உறவை அதாவது ஸத்ஸங்கத்தை, ஏற்படுத்திக் கொள்வது இன்றியமையாததாகும். ஸத்யம் என்பது கால, தேச வர்த்தமானங்களால்( காலம், இடம் மற்றும் சூழ்நிலைகள்) பாதிக்கப்படாது என்றும் ஒரே மாதிரியாக இருக்கும் ஒன்றைக் குறிப்பதாகும். ஒருவர் இப்படிப் பட்ட ஸத்யத்துடன் உறவை ஏற்படுத்திக் கொள்ள வேண்டும். மனச்சாட்சியை இந்த ஸத்யத்துடன் ஒன்றரக் கலக்கச் செய்து, இந்த உறவின் ஆனந்தத்தை நீங்கள் அனுபவிக்க வேண்டும்.