வேதங்கள் இரண்டு விதமான தர்மத்தைப் போதிக்கின்றன.ஒன்று 'ப்ரவ்ருத்தி ' (வெளி உலக நோக்கு), மற்றது ' நிவ்ருத்தி ' ( உள்ளார்ந்த நோக்கு). 'ப்ரவ்ருத்தி ' வெளி உலக செயல்களுடன் சம்பந்தப் பட்டது; இந்த உலகில் வாழ்வதற்குத் தேவையான குணங்களை விளக்குகிறது. ' நிவ்ருத்தி ' ஆத்ம ஞானத்தை விளக்குகிறது.இந்த இரண்டிற்கும் உள்ள வித்தியாசத்தை அறிந்தவனே அஞ்சா நெஞ்சன்.உதாரணத்திற்கு, ஒருவருக்குப் பசிக்கும் போது, ' ப்ரவ்ருத்தி ' உணவை உண்டு பசியைத் தீர்த்துக் கொள்ளுமாறு அறிவுறுத்துகிறது. ' நிவ்ருத்தி 'எப்படிப் பட்ட உணவை உண்ண வேண்டும், எது உடல் நலத்திற்கு நல்லது, எது தீமையானது, அதை எவ்வாறு உண்ண வேண்டும் என்பதை எல்லாம் அறிவுறுத்துகிறது. அனைத்துப் போராட்டங்களும் உங்களது மனதில் தான் உருவாகின்றன; ' ப்ரவ்ருத்தியே ' போராட்டங்களை உருவாக்கி பந்தங்களையும், பிரிவினைகளையும் ஏற்படுத்துகிறது. அயோத்யா ( அ-யோத்யா ) என்றால், கலகமும்,சச்சரவும் அற்ற இடம் எனப் பொருள்; எந்தப் பகைவனும் அதில் உள் நுழைய முடியாது. மனித இதயமே அயோத்யாவின் சின்னம்.