உங்களது வாழ்க்கை ஒரு தொலை தூரப் பயணம் போன்றது.இந்தத் தொலை தூரப் பயணத்தில் நீங்கள் மிகக் குறைந்த அளவே சுமைகளைக் (ஆசைகள் ) கொண்டிருக்க வேண்டும்.அதனால் தான், '' குறைந்த சுமை, அதிக சௌகரியம், பயணத்தை சுகமானதாக்கும்'' எனக் கூறப்படுகிறது. எனவே, ஆசைகளுக்கு ஒரு வரம்பு வைத்துக் கொள்வதே நீங்கள் இன்று ஏற்றுக் கொள்ள வேண்டிய ஒன்று. ஆசைகளைப் பூர்த்தி செய்து கொள்வதில் தான் சந்தோஷம் இருக்கிறது என்ற தவறான அபிப்பிராயத்தில் நீங்கள் இருக்கிறீர்கள்.ஆனால் உண்மையில், ஆசைகளை முழுமையாக அழிக்கும் போது தான் சந்தோஷம் உதயமாக ஆரம்பிக்கிறது. எப்போது நீங்கள் ஆசைகளைக் குறைக்க ஆரம்பிக்கிறீர்களோ, அப்போது தான்,நீங்கள் துறவு நிலையை நோக்கி முன்னேற ஆரம்பிக்கிறீர்கள். உங்களுக்குப் பல ஆசைகள் இருக்கின்றன; அவைகளிலிருந்து உங்களுக்கு என்ன கிடைக்கிறது? நீங்கள் எதையாவது உங்களுடையது என உரிமை கொண்டாடும் போது, அதனது விளைவுகளை எதிர் கொண்டே ஆக வேண்டும். உங்களது அஹங்காரத்தையும் (நான்), மமகாரத்தையும் ( எனது), விட்ட தருணத்திலேயே, நீங்கள் ஆனந்த மயமாகி விடுகிறீர்கள்.