சத்யம் என்றால் என்ன? ஒருவர்,தான் '' கண்டதை '',கூட்டியோ,குறைக்காமலோ அப்படியே விவரிப்பதா? இல்லை. அல்லது ஒருவர் ஒரு நிகழ்ச்சியைப் பற்றி தனக்கு விவரிக்கப் பட்டதை அதே சொற்களால் விவரிப்பதா? இல்லை. சத்யம் மனிதரை உயர்த்துகிறது;அது உயர்ந்த கோட்பாடுகளை நிலை நிறுத்துகிறது; அது தனி மனிதர் மற்றும் சமூகத்திற்கு உத்வேகம் அளிக்கிறது. அது, ஒருவர் இறைவனை நோக்கிச் செல்லும் பாதைக்கு ஒளியூட்டும் ஜோதியாகும். சத்யத்தால் உத்வேகம் பெற்ற ஒருவரது வாழ்க்கை மனிதனை, தன்னை கீழ்தரமான ஜீவராசிகளின் நிலைக்குத் தாழ்த்தி விடாமல் மனிதனாக வாழச் செய்கிறது. எங்கும் இருப்பது இறைவன் மட்டுமே வேறு எதுவும் இல்லை. இறைவனே சத்யம்,இறைவன் மட்டுமே சத்யம்.இறைவன் ஒவ்வொரு பொருளிலும் ,ஆதாரமாக,புரிதல் மற்றும் புரிந்து கொள்ளும் தன்மையாக, தெய்வீக ஒளியின் மூலமாக,ஆத்மாவாக இருக்கிறான். சத்யமே ஒவ்வொரு ஜீவராசியையும், ஏன், ஒவ்வொரு அணுவையும் இயக்கும் ஒரே தெய்வீக சக்தியான பரமாத்மாவாகும்.