மனித குலத்தின் ஆன்மீகப் பாதையின் முன்னேற்றத்தைச் சரி செய்வதற்காகவே, இறைவன் யுக,யுகமாக அவதாரம் எடுக்கிறான். மனிதன் மூழ்கியுள்ள,அமைதியின்மையைத் தடுத்தாக வேண்டும்.'' பரித்ரானாய ஸாதூனாம் '' ( நல்லவர்களைக் காப்பதற்காக ) என்ற வாக்கியத்தின் பொருளே, உலகியலான பொருட்களின் முக்கியத்துவம் அற்ற தன்மையைப் பற்றிய அஞ்ஞானத்தினால் ஏற்பட்டுள்ள அமைதியின்மையின் பிடிகளிலிருந்து தனி மனிதர்களைக் காப்பது என்பதாகும். அனைத்து ஜீவராசிகளும் உண்மையான சாந்தி,சந்தோஷங்களைப் பெற வேண்டும்;அந்த அவதாரப் பணிக்காகவே, இறைவன் மீண்டும்,மீண்டும் வருகிறான். நீங்கள் அவனைச் சந்தித்து, உரையாடி, புரிந்து கொண்டு,ரசித்து, கேட்டு, பின்பற்றி, அனுபவித்து பயன் அடைவதற்காகவே புனிதத்துவம் நிறைந்த திருத் தலத்தைத் தேர்ந்தெடுத்து, மனித உருவெடுத்து அவன் வருகிறான்.