தெய்வீகத்தின் ஒளிக்கீற்றாக இருக்கும் ஜீவாத்மா தனது பிரகாசத்தினை வெளிப்படுத்துவதற்காக,இந்தப் பிறவி எடுத்து வந்துள்ளது. ஒரு எலி பொறியில் இருக்கும் அதிகமான வாசம் வீசும் மலிவான பொருளால் ஈர்க்கப் படுகிறது;களஞ்சியத்தில் இருக்கும் அனைத்து உணவுப் பொருட்களையும் உதாசீனப்படுத்துகிறது;அதன் காரணமாக தனது முட்டாள்தனத்ததால் மாட்டிக் கொள்ளுகிறது. அதைப் போலவே, மனிதர்களும் அழியப் போகும் செல்வங்களில் நாட்டம் கொள்வதன் மூலம் தங்களது வாழ்க்கையை புறக்கணித்து, வீணாக்கிக் கொள்கிறார்கள்.இதை உணர்ந்து கவனமாக இருங்கள். உலகத்தில் வாழுங்கள்; ஆனால் நிலையானவை மற்றும் நிலையற்றவையை ஆராய்ந்து பகுத்தறியும் திறன்களை வளர்த்துக் கொள்ளுங்கள். இந்த நாடகத்தை ஊடுருவிப் பார்க்கக் கற்றுக் கொண்டு, இதன் காட்சிகளின் பின்னால் இயக்குனராக இருக்கும் இறைவனைக் கண்டு கொள்ளுங்கள்.இந்த திறன்களை, பலன்களை எதிர்பாராது செயலாற்றுவதை ( நிஷ்காம கர்மா ) அடிப்படையாகக் கொண்ட பக்தியின் மூலம், நீங்கள் எளிதாக வளர்த்துக் கொள்ள முடியும்.