நீங்கள் அன்றாட வாழ்க்கையில் சின்னச் சின்ன விஷயங்களில் கூட கவனம் செலுத்த வேண்டும் ஏனெனில் பக்தி என்பது வெறும் நடிப்பு அல்ல. அது, அனைத்து ஜீவராசிகளிலும் உறையும் தெய்வீகத்தின் மீது பெருமதிப்பைக் காட்டும் சிறு சிறு செயல்களின் தொடராகும். உங்கள் நாவின் பின் பதுங்கி இருக்கும் பொய்மை, உங்கள் கரங்களின் பின் பதுங்கி இருக்கும் வன்முறை, திருட்டுத் தனமாக உங்கள் செய்கையின் பின் பதுங்கி இருக்கும் அஹங்காரம் ஆகியவற்றை கவனியுங்கள். அவை பழக்கங்களாக வளர்ந்து, உங்களது குறிக்கோளை முறியடிக்கும் குணாதிசியங்களாக அமருவதற்கு முன் அவற்றைத் தடுத்து நிறுத்தி விடுங்கள். உங்களது வாழ்க்கையில் உங்களுக்குத் தேவையான பொருட்களை எல்லாம் சேமித்து வைத்திருக்கும் கடைக்காரர் போன்றவன் இறைவன். நீங்கள், ஒரு வாடிக்கையாளராக அந்தக் கடைக்குச் சென்று ஒரு துண்டைக் கேட்டால் அவர் ஒரு சட்டையைத் எடுத்துத் தர முடியுமா? இறைவனும் அவ்வாறே, நீங்கள் எதைக் கேட்கிறீர்களோ , குறிப்பாக அதையே உங்களுக்குத் தருகிறான். உலகியலான பொருட்கள் அவ்வளவு முக்கியமானவை அல்ல. பகுத்தாராய்ந்து, இறைவனிடம் பக்தியையும் ,ஞானத்தையும் கேளுங்கள்.