தொல்லையற்ற, சந்தோஷமான வாழ்க்கை நடத்தும் கலையைப் பற்றி மேலும் மேலும் தெரிந்து கொள்வதில் ஆவலுடனும்,அக்கறையுடனும் இருங்கள். ஒருவர் படிப் படியாகத் தான் முன்னேற முடியும்; நீங்கள் ஒரு படி ஏறிய பின், இரண்டு படி சறுக்கிக் கீழே சரிந்து விடும் அபாயம் உள்ளது. மேலே ஏறுவதில் மன உறுதி, சரிந்து விடும் போக்கைச் சந்திப்பதில் காட்டும் எதிர்ப்பு,எழுச்சி பெற்று, முன்னேறி, கீழ்த்தரமான உந்துதல்கள் மற்றும் உணர்ச்சிகளை வெல்லுவதில் ஏக்கம் ஆகியவையே முக்கியமானவை.உங்களிடம் அது இருந்து விட்டால், மறைந்திருக்கும் ஆற்றல் எனும் ஊற்று உங்களுள் பொங்கி எழும்; இறைவனது கருணை உங்களது பாதையை சமன் செய்து விடும். சீரிய குறிக்கோளை உங்கள் முன் வையுங்கள்; முன்னேறுங்கள். சீரிய குறிக்கோளைக் கொண்டவர்கள் மட்டுமே, எதிர் காலத் தலைமுறையினரால், நன்றியுடன் நினைவு கூறப்பட்டு, மதிக்கப் படுகிறார்கள்.