மனம் பரமானந்தத்தில் திளைத்திருந்தால்,உடல் நோய்களால் துன்பத்தில் வாடாது. பரமானந்த நிலையை அடைவதற்கான வாகனமே இந்த உடல்; எனவே, அந்த உயரிய குறிக்கோளுக்காக, இதை பாதுகாப்பாகவும், வலிமையுள்ளதாகவும் வைத்திருக்க வேண்டும். இது ஆன்மீக சாதனைக்காக, பல முந்தைய பிறவிகளில் ஈட்டிய புண்ணியத்தினால் பெறப் பட்ட ஒன்று. ஒவ்வொரு கணமும் இந்த உடல் தனது அழிவை நோக்கி வேகமாகச் சென்று கொண்டிருக்கிறது; எனவே நேரத்தை பயனற்ற முயற்சிகளில் வீணடிக்கக் கூடாது. இந்த உடலின் மீது பற்றுதல் வைக்காதீர்கள்; அதை ஒரு காயத்தைப் ( காயம்= உடல்) போலக் கருதி, உடைகள் என்ற கட்டால் போர்த்தி, உணவு என்ற மருந்தால் சிகிச்சை அளித்து, அடிக்கடி குளிப்பாட்டுதல் வேண்டும். பின்னரே உங்களால் தேவையற்ற பற்றுதலை விட்டொழிக்க இயலும்; இது மிகவும் இன்றிமையாத ஒன்று. ஏனெனில் அதற்குப் பின் தான் பிறருக்கு சேவை செய்யும் உண்மையான ஆர்வமும் ,தூண்டுதலும் உங்களுக்கு வரும்.