இறைவன் பலவீனன்,பலசாலி என்றோ, உயர்ந்தவன்,தாழ்ந்தவன் என்றோ பாகுபடுத்திப் பார்ப்பதில்லை. இப்படிப்பட்ட மனப்பாங்கு இறைவனது பார்வையை ஒருபோதும் மறைப்பதில்லை. அனைவருக்கும் அவனருளில் பங்கு உண்டு; ஒருவரும் அழைக்கப் படுவதுமில்லை,தடுக்கப்படுவதுமில்லை.அனைவருக்கும் உரிமை இருக்கிறது மேலும் அனைவரும் அவனது வழிபாட்டுத் தலங்களில் வரவேற்கப் படுகின்றனர்.அவற்றின் கதவுகள் எப்போதும் திறந்திருக்கின்றன. அதன் வாயிலைச் சிலர் அணுகவில்லை என்றால், எவரும் என்ன செய்ய முடியும்? வெப்பத்தை வேண்டுவோர்,நெருப்பின் அருகாமையில் சென்று அமர்ந்து தான் ஆக வேண்டும். தொலைவில் நிற்பவர்,அந்த நெருப்பில் இருந்து வெளிப்படும் ஒளியை மட்டுமே அறிய இயலும். தூரத்தில் நின்று கொண்டு, நெருப்பிற்கு வெப்பமே இல்லை என்று கூறும் ஒருவரைப் பற்றி என் சொல்வது? அது முறையற்றது. இறைவனது அருகாமைக்காகவும், அவனது தர்பாரில் நுழைய வேண்டும் எனவும் விழைந்து, அந்த விருப்பம் நிறைவேறுவதற்காக தம் மனதில் இடையறாது பாடுபடுவோருக்கு அனுமதியும் அடைக்கலமும் அங்கு உள்ளது.