உங்களில் பலர் நான் பல விஷயங்களைத் திரும்பத் திரும்ப வருடா வருடம் சொல்வதைப் பார்க்கிறீர்கள். ஆனால், ஆன்மிகப் பாதையில், முதன்முதல் படியைக் கூட மிகச்சிலரே எடுத்து வைக்கிறார்கள். நீங்கள் என்னுடைய சொற்பொழிவுகளைத் திரும்பத் திரும்பப் படிப்பதற்காகக் குறிப்புகள் கூட எடுத்து வைத்துக் கொள்கிறீர்கள். ஆனால் இவற்றை நடைமுறையில் கொண்டு வராவிட்டால், இவை அனைத்தும் வீணே! நீங்கள் பிரமாதமாக பகட்டாகப் பேசலாம். நீங்கள் உங்கள் நடத்தை மற்றும் மனப்பாங்கைப் பொறுத்துத்தான் கணிக்கப்படுகிறீர்களே அன்றி, உங்கள் பேச்சினால் அல்ல என்பதைப் புரிந்து கொள்ளுங்கள். போலித்தனத்திற்கும், இரட்டை வேடத்திற்கும் ஆன்மீகத்தில் இடம் கிடையாது. சத்தியம் மற்றும் அன்பை உங்களது நிரந்தர நண்பர்களாகக் கொண்டு, நேரான, வரையறுக்கப்பட்ட பாதையில் செல்லுங்கள்.