பல வித சுவை, மணம், நிறம் மற்றும் வடிவம் கொண்ட வகை வகையான உணவு அனைத்தும். ஆழ்ந்து ஆராய்ந்தால் பசி என்ற நோயைத் தீர்க்கும் வெறும் மருந்துகளே; மனிதன் கண்டு பிடித்த அனைத்து பானங்களும் தாகம் என்ற நோயைத் தீர்க்கும் மருந்துகளே. இன்று அநேகமாக அனைத்து மனிதர்களும் புலன்களின் நோய்களினால் பாதிக்கப் பட்டு, போலி மருந்துகளான, கேளிக்கைகள்,இன்பங்கள்,சுற்றுலாக்கள், விருந்துகள் மற்றும் நடனங்கள் ஆகியவற்றை பயன் படுத்த முற்பட்டு,அவர்களது ஜூரம் குறைவதில்லை என்பதை உணருகின்றார்கள். இந்த நோய் கண்களுக்குப் புலப்படாத விஷக் கிருமியை செயலிழக்கச் செய்தால் தான் தணியும் ; அதுவும் ஞானத்தின் கதிர்கள் அதன் மேல் பட்டால் தான் நடக்கும். உங்களை குணப்படுத்துவதில் அக்கறை உள்ள ஒரு உண்மையான மருத்துவர்,உங்களுக்கு எது பயனளிக்குமோ அதை அறிவுறுத்துவாரே அன்றி, உங்களுக்கு எது இனிமையாக இருக்குமோ அதை அல்ல.; உங்கள் குருவே அத்தகைய மருத்துவர்.அவர் பரிந்துரைக்கும் மருந்து கசப்பானதாக இருந்தாலும் அவரைப் பணியுங்கள், ஏனெனில் உங்களது ஜூரத்தை அவர் ஒருவரே குணப்படுத்த முடியும். இனிமையானவற்றை விடுத்து பயனளிப்பதையே விரும்புங்கள், ஏனென்றால் இனிமையாகத் தோன்றுபவை உங்களை படுகுழியில் தள்ளி விடும் பாதைக்கு இட்டுச் செல்லக் கூடும்.