வாழ்க்கை தர்மம்,அர்த்தம் ( செல்வம் ),காமம்,மோக்ஷம் என்ற நான்கு தூண்களின் மீது எழுப்பட்ட ஒன்று. எப்போது அவற்றில் மிக முக்கியமான இரண்டு தூண்களான தர்மமும், மோக்ஷமும் தொலைந்து விடுகிறதோ,மீதமுள்ள இரண்டு தூண்களான காமத்தையும், செல்வத்தையும் மட்டும் வைத்துக் கொண்டு இருப்பது ஒரு போராட்டமே. பின்னர், துயரம், பேராசை ,நடிப்பு மற்றும் கவலைகள் மனிதர்களை பீடிக்கின்றன.ஒவ்வொரு தூணும், மற்ற மூன்று தூண்களுடன் ஒத்துழைத்து உறுதுணையாக இருக்க வேண்டும். காமத்தையும், அர்த்தத்தையும் தர்மம் ஊடுருவி, வலிமை ஊட்டுவதன் மூலமே மோக்ஷத்தை அடைய இயலும். தர்ம வழிகளில் மட்டுமே வாழ்க்கைக்கான செல்வம் ( அர்த்தம்) ஈட்டப் படவேண்டும் மேலும் அது தர்ம காரியங்களுக்காகவே செலவிடப் பட வேண்டும். காமம் ( ஆசை) பிணிப்புகளிலிருந்து விடுதலை அளிக்கும் மோக்ஷத்தை நோக்கியே இருக்க வேண்டுமே அன்றி பிறப்பு,இறப்பு என்று சங்கிலியின் பிணைப்புகளையோ, அல்லது புதிய பந்தங்களையோ ஏற்படுத்துவதற்காக இருத்தல் கூடாது. தர்மமும்,மோக்ஷத்திற்கான ஆசையும் இல்லை எனில் மனிதர்கள் மிருகங்கள் மற்றும் பறவைகளின் நிலைக்கு தாழ்த்தப் பட்டு விடுவார்கள்.