ஒவ்வொருவரும் கர்மா செய்தே ஆக வேண்டும்; இல்லை எனில் இந்த உலகமே ஒன்றுமில்லை என ஆகி விடும். இந்த உலகில் உள்ள ஒவ்வொருவரும் கர்மா என்ற கடமையினால் கட்டுண்டவரே. ஞானமே இறுதியான இலக்கும்,அனைத்து கர்மாவின் பயனும் ஆகும்; ஞானம் என்பது மனதைத் தூய்மைப் படுத்தி இறைவனது அருளைப் பெறுவதற்கான ஒருவரது முயற்சிகளால் அடையப்படும் பொக்கிஷமாகும். இந்த ஞானம் என்பது என்ன? ஞானத்தின் மூலம் எங்கும் எவரிலும் இறைவன் இருக்கிறான் என்பதை நீங்கள் உணருகிறீர்கள். அனைத்தும் உங்களில் உள்ளன, நீங்களும் அனைத்திலும் இருக்கிறீர்கள். ஆய்வு, பகுத்தறிதல் மற்றும் புத்தி கூர்மையால் தேடுதல் மூலம்,இந்த திட நம்பிக்கையை நீங்கள் கண்டிப்பாக உங்கள் உணர்வு நிலையில் நிலை நிறுத்த வேண்டும். புலன்கள், மனம்,புத்தி இவற்றால் உணர்வு நிலையில் ஏற்படுகின்ற கருத்துப் பதிவுகளை தனிமைப் படுத்தி, நீக்கி விடுங்கள். ஞானத்தை பிண்ணனியாகவும்,திட நம்பிக்கையாகவும் கொண்டு உங்களது ஒவ்வொரு செயலையும் நீங்கள் ஆற்ற வேண்டும்.