உங்கள் மனம் மற்றும் புலன்களைக் கட்டுப் படுத்துங்கள். புலன்கள் மட்டும் தாங்களாகவே எதையும் செய்ய இயலாதவை என்பதை நினைவில் கொள்ளுங்கள். அவை சுதந்திரமானவை அல்ல.மனதைக் கட்டுக்குள் கொண்டு வந்து விட்டால்,புலன்களையும் கட்டுக்குள் கொண்டு வந்து விடலாம். சிலர் மனதைக் கட்டுப்படுத்த வெறும் துறவுக்கோலம் கொள்கிறார்கள்! இதற்குத் தேவையான உண்மையான ஒழுங்கு முறையை அறியாதவர்களாக இருக்கிறார்கள். ஆசைகளைக் களைவதே உண்மையான ஒழுக்க நெறியாகும். காவலர்கள் எவ்வளவு தான் கவனமாக இருந்தாலும், திறமை படைத்த திருடன் எப்படியும் வியக்கத்தக்க நூறு வழிகளில் திருடி விடுவான். அதே போல, நீங்கள் எவ்வளவு தான் செயல் திறனோடு புலன்களைக் கட்டுப் படுத்த முயன்றாலும்,மனம் அவற்றை பக்கவாட்டில் இழுத்து,தனது ஆசைகளை அவற்றின் மூலம் பூர்த்தி செய்து கொண்டு விடும். எனவே, சாதகர் வெளிப்புற புலன்களின் மீது தனது ஆதிக்கத்தைக் கொண்டு வர வேண்டும். பிறகு, தொடர்ந்து வரும் உலகியலான உறவுகளில் மூழ்கிக் கிடக்கும் மனதை, சாந்தி மற்றும் வைராக்கியத்தினால் கட்டுப் படுத்த வேண்டும். இதைச் செய்து விட்டால், பேரானந்தத்தை அனுபவிப்பதோடு, ஆத்மாவையும் ,தனக்குள்ளேயே எப்போதும் கண்கூடாகக் காண முடியும்.