வாழ்க்கையில் எந்தத் துறையிலும் வெற்றி அடைவதற்கு, அறிவு, திறமை , மற்றும் சமநிலை மிகவும் அவசியம். அறிவும், திறமையும் கலந்திருந்தால், உங்களுக்கு சமநிலை கிடைக்கும். சமநிலை மிகவும் முக்கியமானது.இதன் பொருள்,புகழ்ச்சியிலும், இகழ்ச்சியிலும்,ஒரே மனநிலை கொண்டிருப்பதே. சமநிலையில் இருப்பதற்குத் திறமை தேவை. சமநிலையை இழந்தால்,துயரம் பின் தொடரும். உங்களுக்கு ஒரு வேலை கொடுக்கப் பட்டால், அதில் உங்களை முழுமையாக ஈடுபடுத்திக் கொண்டு, உங்களது சக்தியின் முழு அளவிற்கு, பக்தியுடனும்,சிரத்தையுடனும் அதை ஆற்றுங்கள். உதாரணத்திற்கு, ஒருவருக்கு, செடிகளை நட்டு, ஒரு தோட்டத்தை உருவாக்கும் பணி கொடுக்கப் படுகிறது என்று வைத்துக் கொள்வோம். புகழ்ச்சியாலோ, இகழ்ச்சியாலோ பாதிக்கப் படாது,அவர் முழு மனதுடன் பணி ஆற்றினால், அந்தச் செடிகள் நன்கு வளர்ந்து, அந்தத் தோட்டமே மிகுந்த நேர்த்தி நிறைந்த இடமாக மாறி விடும். எப்போது குருவானவர் ,அந்தத் தோட்டத்தைக் காண வந்து , அந்தச் செடிகளின் நிலைமையைக் கண்டு மகிழ்ச்சி கொள்கிறாரோ,குருவின் அந்த ஆனந்தமே அவரது அருளாக உருவாகி, அந்த மனிதருக்கு பேரானந்தத்தை அளிக்கும்.