பாலவிகாஸ் குருவாக இருக்கும் நீங்கள்,ஆன்மீகக் கல்வியை கற்பிப்பதை,ஒரு சிறந்த வாய்ப்பாகவும்,புனிதமான கடமையாகவும் கருத வேண்டும். மாணவர்களுக்கு அன்பு,பொறுமை மற்றும் தூய இதயத்துடன் கற்றுக் கொடுப்பதற்கான எல்லா முயற்சிகளையும் எடுத்துக் கொள்ள வேண்டும். சோம்பேறித்தனத்தை வெல்ல வேண்டும். உங்களிடம் கற்க வரும் குழந்தைகளிடம்,உங்கள் குழந்தைகளிடம் காட்டும் நேசத்தை விட அதிக நேசத்தைக் காட்ட வேண்டும். குருமார்கள் சமமான மனநிலையைக் கொண்டு, எவரையும் ஜாதி, மத அல்லது மற்ற அடிப் படையில் வேற்றுமைப் படுத்திப் பாராது நடத்த வேண்டும். குழந்தைகளின் மனதில் சேவை மனப்பான்மையை பதியச் செய்ய வேண்டும். எப்போது சாப்பிடுவதற்கு முன்பும், அந்த உணவை முதலில் இறைவனுக்கு அற்பணம் செய்ய வேண்டும் என்பதை அவர்களுக்குக் கற்றுக் கொடுக்க வேண்டும். மூத்தவர்களைச் சந்திக்கும் போது பணிவாக நடந்து கொள்ள வேண்டும் என்பதையும் கற்றுக் கொடுக்க வேண்டும். குருமார்களான உங்களுக்கு, அஹங்காரம் இருக்கக் கூடாது. அஹங்காரம் இருந்தால் நல்ல குருவாக இருக்க முடியாது. எனவை, அகந்தையை விடுவதற்கான எல்லா முயற்சிகளையும் எடுத்து, உங்களது பொறுப்பை உணர்ந்து, கடமையை ஆற்ற வேண்டும்.