ஒரு காட்டுக் குதிரை பல விதங்களில் பயிற்றுவிக்கப் படுகிறது. அதைப் போலவே, நமது கட்டுக் கடங்காத மனதை அடக்குவதற்குத் தான் நம்மிடம் பிரார்த்தனை, பஜன்கள் மற்றும் இறை நாமஸ்மரணை ஆகியவை உள்ளன. ஆரம்ப கட்டத்தில், குதிரை பல திசைகளில் ஓடும், ஆனால் பயிற்சியாளர் கவலைப் படுவதில்லை; அவர் கடிவாளங்களைக் கெட்டியாகப் பிடித்துக் கொள்வார். நீங்கள் இறை நாமஸ்மரணை செய்யத் தொடங்கும் போது, மனமும் கூட பல திசைகளில் ஓடும்; நீங்கள் விரக்தி, கவலை அல்லது முடிவு எடுக்க முடியாத நிலை ஆகியவற்றிற்கு இடம் அளிக்கக் கூடாது. இறைவனது திருநாமம் என்ற கடிவாளத்தை இறுகப் பற்றிக் கொள்ளுங்கள். ஒரு குறைந்த காலத்திலேயே, உங்களது சொல் மற்றும் சிந்தனைகள் உங்களது கைப்பிடிக்குள் வந்து விடும். நீங்கள் இறைவனது திருநாமத்தை மறக்கச் செய்யும் எதையும் உங்கள் அருகில் வர அனுமதிக்காதீர்கள். காலப் போக்கில், இறை நாமஸ்மரணையின் பலனை நீங்கள் உணர்வீர்கள்.