நீங்கள் ஒவ்வொருவரும் உங்களுக்கென்றே இறைவனை முழுவதுமாகப் பெற்றுவிட்டதாக எண்ணுமளவிற்கு இறைவன் அருள்மழை பொழிகிறான்; பிறர் அவனை அடைந்துவிட்டதால், அவன் உங்களுக்கு இல்லை என்று நீங்கள் வருத்தப்படவோ, அல்லது, அதே சமயத்தில் உங்களுக்குக் கிட்டிவிட்டதால் மற்றவர்கள் அவனைப் பெற முடியாது என நீங்கள் கர்வம் கொள்ளவோ தேவையில்லை! இறைவன் உங்களுடைய இதயக்கோயிலில் வீற்றிருக்கிறான். உங்கள் அனைத்தையும், உங்கள் வாழ்க்கை முழுவதையும் அவனுக்கு அர்ப்பணித்து விடுங்கள்; பின்னர் எந்த அளவிற்கு துரிதமாகவும் பூரணமாகவும் உங்கள் ஆராதனை நல்மாற்றமும் மேன்மையும் அடையுமென்றால், நீங்களும் அவனும் ஒன்றாக ஐக்கியமாகி விடுவீர்கள். அவன் உங்களைப் போலவே சிந்திக்கிறான், உணர்கிறான், செயல்படுகிறான்; நீங்களும் அவனைப் போலவே சிந்தித்து, உணர்ந்து, செயல்படுகிறீர்கள். ஒரு பாறை பல தலைமுறைகளாக பக்தர்களால் ஆராதிப்பதற்கேற்ற விக்ரஹமாக ஒரு சிற்பியால் உருவாக்கப்படுவதைப் போன்று நீங்களும் நல்மாற்றம் அடைவீர்கள். இந்த செயல்பாட்டில் இறைவனே அந்த சிற்பி என்பதால் நீங்கள் பல சம்மட்டி அடிகளையும் உளியால் செதுக்கப்படுவதையும் தாங்கிக் கொள்ளத்தான் வேண்டும். ஏனெனில் கல்லில் சிறைப்பட்டிருக்கும் உங்களை அவன்தான் விடுவிக்கிறான்! எனவே இறைவன் மீதான தூய்மையான ப்ரேமை நிறைந்த உங்கள் இதயத்தை அவனுக்கு அர்ப்பணியுங்கள்! (தெய்வீக அருளுரை, நவம்பர் 23, 1968)